Hopi hende ta bende produkto ku e nan no ta kere den dje, pero e kaso di Trevor McKendrick ta realmente ironiko, e ta Ateo i e ta bende Beibel pa biba. Kuriosamente e no a skohe e profeshon aki di manera konsiente. Tur kos a kuminsa un anochi ku e la Sali ku su famia na febrüari 2012 i e la diskubri ku un famia di dje tabata gana entre 8.000 pa 10.000 doler pa luna bendiendo aplikashon di Iphone. E la haña inspirashon i a disidi di hasi e mesun negoshi. Trevor tabata ke gana alrededor di 600 doler pa luna, pa e esei lo tabata sufisiente pa paga hür di su kas. E la disidi di bai na un lokal di Apple pa bai buska un aplikashon ku ta permiti e gana hopi sèn. Diripiente e a haña loke e tabata buska, un aplikashon di Beibel na spaño.
Despues e a kontrata un programado pa e konstrui unu miho i e benta nan a krese mas, despues e la introdusà un vershon di audio ku a bira un eksito. Di e forma aki e a kuminsa gana alrededor di 5000 pa 6000 doler pa luna. Aunke añanan a pasa, Trevor ta haña su eksito difisil pa kere i e ta splika ku e no ta sinti e sèn real paso e no ta implika hopi trabou i e ta tuma djis un ora di tempu. No obstante e ta admiti ku esaki a kambia su bida paso e no tin ku preokupa mas pa su ingresonan.
Aunke e ta felis ku su sèn, e ta sinti malu ku su konsenshin kada dia, paso su negoshi i su pensamentunan personal no tin nada en komun. E a stòp di bai misa paso sèmper e tabatin duda di su fe. «Mi no ta kere den beibel» e ta splika, i ta pa esei e ta sinti kulpa den bende un buki religiosos den kual e no ta kere. Trevor ta rabia tambe ku e persona nan ku ta brue ku un pastor i ta pidie pa resa pa nan, pero apesar di tur e desventaha nan ei, no ta den su plannan pa bandona e proyekto. Awor aki e ta spar pa e por lanta su kompania nobo yama BackOffice, ku lo saka un produkto ku si e ta kere aden.
===========================================
BròKèS 93.5 ………… Skuch’é!