Nòmber: Radio Brokès 93.5 FM Boneiru Kòrtiku bisá BròKèS 93.5.

 

Direkshon: Kaya Bamba 8B/ skina Kaya Benta

​

Hopi aña pasá a surgi un vishon/ soño kual atraves di tempu a krese i sigui krese.

Na aña 2018 Señor Dios a iluminá nos, indikando ku awor ta é momentu pa kombertí nos vishon den realidat.

 

Despues di un periodo intesivo di preparashon na òktober 2019 Boneiru a sera konosí ku un radio emisora nobo, lantá i manehá pa mi persona John ‘Djòni’ Leoneta i mi esposa Ethel.

Sigur ami Djòni Leoneta ta konosí pa kasi kuarenta aña den farándula boneriano i kual ta inkluí mas ku binti aña aktivo den e mundu di radio.

 

Nos emisora ta transmití via frekuensia 93.5 FM i bou di nòmber komersial Radio BròKès Boneiru 93.5 FM. Konforme vishon i mishon, lantamentu di BròKèS 93.5 no ta simplemente komo ‘un emisora mas’ sino pa marka ‘é diferensha real’ entre programashonnan radial riba nos isla.

​

BRÒKÈS 93.5 DEN AIRE:

Dia 19 di sèptèmber 2019 pa masoménos 10or di mainta pa promé bes BròKèS 93.5 den aire, pa medio di transmishon di prueba. Dia promé di òktober 2019, durante un evento den Klup di ABVO a tuma lugá lansamentu ofisial di Radio Brokès 93.5 FM Boneiru.

Dia 8 di òktober 2019 pa 08:10 anochi, ku un akto simpel pero signifikante den su studio prinsipal, emisora BròKèS 93.5 a bai ofisialmente den aire ku su programashon.

 

PROGRAMASHON ADULTO KONTEMPORÁNEO: Konsepto di e programashon di BròKèS 93.5, nos ta denominá komo ‘adulto kontemporáneo’, kategorisá den edat/ género esaki ta 35+.