Oct 21, 20221 min read

Trabou di renobashon di Kaya Grandi ta den pleno marcha

For di 19 di sèptèmber e trabounan relashoná ku renobashon di Kaya Grandi ta den pleno marcha. Despues di a ranka sali na Plaza Oraño (Oranjeplein), riba djárason 12 di òktober e siguiente fase ta bai kuminsá.

Pa esaki temporalmente ta sera entrada di Kaya Grandi pa tráfiko ku ta kore. Ta trata di e parti entre TCB i Banco di Caribe. Tiendanan ta keda normalmente alkansabel na pia.

Tráfiko di destinashon (habitantenan, tráfiko pa buska karga i deskargá, i bishitantenan di Banco di Caribe) tin mag di bira na man drechi na e krusada di Kaya Isla Riba i Kaya Grandi, i bolbe bandoná Kaya Grandi via Kaya Almirante Luis Brion.

Segun kalkulashon e trabounan di Fase 1b lo dura 4 pa 5 siman i eventualmente nan por kousa molèster di stòf i sonido pa e serkania direkto.

Kápsula di tempu di Lions Club; Riba Plaza Oraño (Oranjeplein) tin e asina yamá ‘kápsula di tempu’, ku na aña 2002 Lions Club a pone na okashon di su di 40 aniversario. Gòbièrnu di Boneiru a palabrá huntu ku Lions Club pa hinka e monumentu akí den un bachi nobo, di manera ku esaki ta lusi ainda mas bunita ainda den Kaya Grandi. Durante e periodo binidero ta bai kaba elaborá e diseño renobá i lo inkluí esaki huntu ku entrega di Fase 1.