A reforsá e tim di protokòl di gobiernu di Boneiru ku mas shofùr bon prepará. Resientemente algun ámtenar a haña lès di stür outo segun reglanan di protokòl
pa por ehèmpel mandatarionan ku ta bishitá Boneiru. Durante un bishita asina ta hasi uso
di un shofùr (ámtenar) ku ta kompañá pa un ámtenar di protokòl. Pa hasi e trabou akí segun regla internashonal di protokòl, e shofùrnan a haña un kurso kòrtiku.
Den e kurso a trata entre otro kon pa komportá den kompania di mandatario i kiko mester bisti durante trabou. A informá e kursistanan loke ta permití i no ta permití durante ora di trabou.
Nataly Davelaar, ámtenar di protokòl di Departamento di Komunikashon, tabata na enkargo di e kurso i e tabata responsabel pa eskoho di e tópikonan.
E shofùrnan a haña informashon balioso tambe tokante komportashon korekto den tráfiko, dokumentonan ku nan mester mester tin, i kiko ta permití riba kaminda públiko.
E parti akí tabata na enkargo di Suandy ‘Andy’ Clarenda, hefe di Departamento di Tráfiko di kuerpo polisial Hulanda Karibense.
.png)
