Tim di Cybercrime di Polis ta Avisá Método Nobo di ‘Hacking’ na Boneiru

E tim di cybercrime di Kuerpo Polisial Hulanda Karibense ta avisá habitantenan di Boneiru pa un método nobo pa ‘hack’ kuenta di medionan sosial.

A resultá ku ta aserká hendenan na papiamentu riba plataforma di medionan sosial.

Nan ta ofresé ‘yudansa’ pa ku bo kuenta. No ta tur ora ta kuenta nan deskonosí, pero por ta tambe un kuenta di ‘hack’ di un konosí ku ta hasi manera ta bo amigu.

Kon e método nobo pa ‘hack’ kuenta di medio sosial ta funshoná?

Ta pidi bo pa kompartí bo informashon di ‘log-in’. Bou di bo informashon di ‘log-in’ ta kai: bo nòmber di uso, bo kódigo, kódigo di verifikashon i verifikashon di dos paso.

Na momentu ku bo kompartí bo informashon di ‘log-in’, e kriminalnan di cybercrime ta tuma bo kuentanan den nan poder. For di e momentu ei nan tin kontrol kompletu riba bo kuenta i ta hasi manera ta abo.

Nan por usa bo kuenta tambe pa kometé otro delitunan aserkando tur bo kontaktonan riba medionan sosial i krea víktima nobo.

Tepnan pa prevení ku ta ’hack’ ku kriminalnan sibernétiko ta haña akseso na bo kuenta:

1. NUNKA kompartí bo informashon di ‘log-in’ ku otronan, tampoko ku famia i

amistatnan!

2. No konfiá petishon di konosínan kaminda ta puntra pa bo kódigo i informashon di

‘log-in’.

3. Usa un kódigo fuerte. Mínimo diesdos seña largu ku un kombinashon di lèter kapital,

lèter chikí, sifra i símbolo.

4. Kambia bo kódigo por lo ménos un bes pa aña.

5. Instalá e verifikashon di dos paso (hopi importante).

6. Paga tinu ku kompartí bo informashonnan

7. Evitá uso di ‘wifi’ públiko.

8. Aktualisá e ‘software’ di bo telefòn i kòmpiuter ku regularidat.

9. Usa un VPN (un Virtual Private Network ta lòk bo informashon)

10. Pensa lógiko

Bo a bira víktima di ‘hacking’, tim di cybercrime di KPCN ta konsehá lo siguiente:

1. Saka un ‘screenshot’ di e nòmber di e profil i potrèt òf e number di telefòn.

2. Mèldu e intento di ‘hack’ na polis.

3. Raportá i seguidamente blòkia e kuenta ku ta purba ‘hack’ bo kuenta.

Si bo a bira víktima di e método di ‘hacking’ menshoná mas ariba, òf bo a haña bo konfrontá ku otro delitunan di krímen sibernétiko, por fabor tuma kontakto ku e departamentu di cybercrime di Kuerpo Polisial Hulanda Karibense na number di telefòn 715-8000 òf via meil cybercrime@politiecn.com.

BròKèS 93.5 ………… Skuch’é!