ACE Foundation ayera atardi a anunsia durante di un konferensha di prensa varios proyekto ku e fundashon aki ta bai lidera e aña aki.
Un di e projektonan ta Siman di muzik pa mucha.
E aña aki esaki lo keda selebra di 21 pa 28 di mei.
Siman di Muzik e aña aki ta dedika na Gabriel “Gabi” Mercera.
E tema di e aña aki ta “Ban biaha rònt mundu’ E kansionan ku lo karga siman di muziek ta “ Müzik ta konektá” i Müzik un idioma internashonal”. Direktor di ACE Foundation Segni Bernardina a splika ku e Siman di muziek lo keda kargá den dos trayekto. E trayekto di den skol i e trayekto di den bario. Pa loke ta trata e proyekto di den skol mester esaki lo wordu karga pa EKADK ku ta un proyekto pa mas arte den skol. Nan lo bai soru pa kada skol lo bai risibi varios idea kiko nan lo por hasi durante di e siman di müzik pa nos muchanan. Tambe nan lo risibi varios video di musikonan ku lo konta i/of splika di nan karera komo musiko i tambe di e instrument ku nan ta toka. Banda di esaki tambe nan lo risibi e kantika ofisial di siman di muzik ku e muchanan por siña kanta i balia. Nos lo buska huntu ku skolnan artistanan ku lo soru pa charla workshop of presentashon den skol.
Den oranan di atardi ACE Kids Club lo bai pasa “Tour den tur bario”, huntu ku diferente partner manera Dance and More, School of Performing Arts Bonaire i Casa de musika. Steelband Silver Bullets SKAL, Magazina di Rei i mas.
Den kada bario lo bai duna un genero di musika diferente. Por ehempel den Tera Kòra lo tin tayer di steel pan ku ritmonan manera soca i calypso. Den Rincon lo bini e parti di instrumèntnan i musika krioyo. Mas despues ACE Foundation lo saka un skema detayá di e aktividatnan aki.
Durante di e konferensha di prensa a entrega Diputado di Kultura James Kroon un proposishon pa bin ku un dekreto pa ankra e selebrashon di siman di muziek tur aña. Diputado Kroon a bisa ku e ta haña esei un bon plan i e lo ke tambe pa bin un buki ku e letranan korekto di kantikanan di antes i tambe kon pa tokanan.
Huntu ku Almar Nicolaas ta trahando riba renobashon di varios kantika di mucha di antes i lo bai saka esakinan durante di siman pa mucha.
Un apelashón ta bai na skolnan akohidanan despues di skol i organisashonnan pa durante di e siman di 21 pa 28 ban pone mas atenshon na muziek pa mucha.
BròKèS 93.5 ………… Skuch’é!
.png)
