Vise presidente di SIMABO, Sra. Mavis Abrahams a habri e reunion i duna splikashon dikon ta importante pa reorganisá e sindikato SIMABO. E anochi aki vise presidente a presentá un presentashon via power point ku tur informashon di historia i kon nos a kana yega awe i unda SIMABO ta para awe. Despues a sigui pa ku e presentashon di e plan di reorganisashon.
Buta un direktiva temporal i forma esaki huntu ku e dos personanan ku a keda komo miembro di direktiva.
Regla e parti atministrativo di e KVK
Modernisá e statuto i e regla di kas di SIMABO 2023.
Traha un komishon di trabou.
Krea un atministrashon digital di miembresia.
Proponé un suma nobo pa ku kontribushon di miembresia.
Traha un organogram di e fèlt di enseñansa / edukashon.
Supervishon di un miembro diario di direktiva di USIBO.
E tempu pa e reorganisashon aki lo bai tin un durashon di kuater luna, pa luna di mart 2024 e trabounan di reorganisashon ta kla, na final lo entrega esaki na e direktiva temporal.
Pa nan, na nan turno lo organisá un reunion general pa por organisá un elekshon pa un direktiva nobo permanente di akuerdo ku e statuto nobo.
Esaki nan ta loke mester sosodé den e plan di reorganisashon di SIMABO. Despues di e splikashon aki a bai over pa pidi sala pa vota pa haña e mandato pa por reorganisá SIMABO. Sala unánimamente a bai di akuerdo ku e plan aki.
Miembronan di e direktiva temporal;
Mavis Abrahams, presidente.
Gilbert van Arneman, sekretario.
Jose Molina,ttesorero.
Ricela Hart, miembro di direktiva.
Davinia Martis, miembro di direktiva.
Miembronan di e grupo di trabou;
Cherel Kwidama, kordinadó / supervisor.
Esther Zimmerman, miembro.
Marjolijn Kroon, miembro.
Shariela Sebelon, miembro.
Hubert Naar, miembro.
Amelia Pieternella
E reunion a kana den tur trankilidat i bo por sinti ku tin un bientu nobo lo bai supla den SIMABO. Presidente ta kontentu di mira karanan nobo i karanan konosí kaba ku tambe ke mira SIMABO bek riba pia. Presidente ta yama tur miembro i no miembro danki di tabata tei e anochi aki i ta pidi pa nos keda uni i ban sigui traha huntu pa hiba SIMABO kaminda nos tur ke mir’é. Mas grandi e miembresia ta mas fuerte nos ta para.
BròKèS 93.5 ………… Skuch’é!
.png)
Kommentare