Segun Arthur Sealy; Retiro di Leito Ta Ilustrá Forsanan di Egoismo i Diskriminashon

Segun arthur Sealy; Retiru di Rudsel Leito ta ilustrá ku e komunidat boneriano ta demonstrando ku tin forsanan ku ta mustra den direkshon di egoismo i mará na esaki diskriminashon.

Si diskriminashon no ta komprendibel mi ta usa hasi distinshon pa satisfasé bo deseo di mira ku base òf sin base a kita e persona for di trabou, lag’é ku mal nòmber i no ta preokupá ku su famia, amigu i esnan ku konosé su balor komo hende kapas pa a okupá e funshon di direktor.

Mi konosé sr Leito komo un persona inteligente ku un grado altu di sabiduria.

Si awe Boneiru tin un SELIBON ku a bira modelo pa por ehèmpel Kòrsou ta trabou di Robby Beukenboom pa lanta un kompania ku sigur ayudo di Ben Oleana i Rudsel Leito pa kambia e sistema di barí di sushi pa kònteiner, kobra pa rekohé sushi, regla orario di trabou i kambia trùknan bieu pa trùknan nobo.

Boneiru riba tereno di limpiesa tin asina tantu problema ku ningun direktor lo por resolvé den un periodo di binti aña. E problema mas grandi ta depósito di sushi. SELIBON tin sigur un archivo pata pata di rapòrt kon remediá Landfill, kursonan pa trahadónan, informashon pa konsientisá pueblo i kon adaptá e kobransa pa kohe sushi, mará na entrada di esnan ku ta gan hopi.

Skouder hanchu pa aliviá esnan ku skouder smal. Pokopoko Boneiru ta bira un isla ku ta ekskluí na lugá di inkluí tur hende sin importá di unda nan ta bini.

BròKèS 93.5 ………… Skuch’é!