Saludá bishita Real

Riba djabièrnè anochi 27 di yanüari Boneiru ta yama bonbiní na Su Mahestat Rei Willem-Alexander, Su Mahestat Reina Máxima i Su Altesa Real Prinsès van Oranje pa su bishita na e parti Karibense di Reino. Meta di e biahe ta pa Prinsès di Oranje sera konosí ku tur seis isla.

Boneiru ta e promé isla ku e ta bishitá i a traha riba un programa variá. Gezaghèber Edison Rijna ta anfitrion. E ta saludá e Famia Real djabièrnè anochi na aeropuerto Flamingo. Sekretario di estado Van Huffelen di Relashonnan den Reino i Digitalisashon ta kompañá nan durante henter e bishita.

Djasabra 28 di yanüari e Prinsès van Oranje ta sera konosí pa promé biaha ku e isla. Henter dia i anochi tin un programa pa e famia den kua kultura, naturalesa, músika, kustumber lokal, pasado kolonial, deporte i enkuentro ku abitante di Boneiru ta para sentral.

Boneiru ta orguyoso di por presentá su mes komo promé isla. Laga nos duna e Famia Real un kaluroso bonbiní dor di para kantu di kaminda riba e siguiente ruta. E bùs ta kore den oranan lat di mainta den Rincon i trempan parti mèrdia den e siguiente kayanan: Kaya Karibe - Kaya Korona - Kaya Dr. Jose Gregorio Hernandez - Kaya V.F. Gomez - Kaya Papa Cornes - Hanchi Amboina, Kaya Sonmontuno - Kaya Pos di Amor - Kaya A. Emerenciana - Kaya Industria - Kaya Msgr Nieuwindt - Kaya Nikoboko Zuid.

===========================================

BròKèS 93.5 ………… Skuch’é!