Gero Arias, un atleta i influenser argentino ku no por a kompleta su reto di pull up. Pa desgrasia pa e hoben, e mester a bandona su reto ku e la kuminsa for di e prome dia di aña 2023. Sin embargo Gero Arias no solamente a gana e respèt di hopi persona, sino ku e la inspira hopi otro mas pa sigui den e kaminda di deporte i ehersisio.
E man nan di Gero Arias no por a soporta e 365 dianan di Pull ups; e reto tabata konsisti di esaki.
Gero Arias a disidi di kuminsa un reto ku tabata konsisti di realisa un pull up riba un bara pa kada dia di aña ku pasa. E tabata tin ku kuminsa ku un pull up e prome dia di aña i esaki a sigui subi ku kada dia ku pasa di aña te ora e hasi 365 pull up e ultimo dia di aña.
Apesar di a soporta mas ku mitar di e reto, Gero Arias mester a bisa ayo na e reto riba e dia number 281, e dia aki e por a kompleta solamente 150 pullup. E tabata falta solamente 131 pull ups pa kompleta e dia 281 pull ups nan ku e mester a hasi e dia aki (9 di òktober 2023).
Problema
Un di e motibunan prinsipal ku Gero Arias no por a kaba e reto tabata paso su mannan no tabata duna mas. Su man nan a habri asina tantu ku bo por a asta mira ku karni di mannan. Inkluso den e video nan ku e tabata komparti riba su retnan sosial, bo por mira ku a bara ku e tabata hasi e pull ups tabata keda yen di sanger. Deskribiendo un dolo insoportabel ku no tabata lage tene bon na e bara di pull ups.
E mannan di Gero Arias a kue infekshon despues di e reto debi na e heridanan habri, pa loke e ta den tratamentu mediko. Gero Arias lo tuma un tempu di deskanso pa su man nan kura. Tempu tambe ku e lo husa pa pensa kiko lo bin despues.
BròKèS 93.5 ………… Skuch’é!
.png)
