Parke Washington Slagbaai lo kontinuá di ta habrí 6 dia pa siman

ke anunsiá ku Parke Washington Slagbaai(WSP) lo kontinuá di ta habrí 6 dia pa siman. Algun luna pasa den aprèl, a disidí kolektivamente pa habri e parke 6 dia pa siman pa asina nos por a enfoka mas riba e área di reforestashon i restorashon den parke ku Proyekto Parke Bunita.Ta asina ku e proyekto aki tin mas ku 3 aña andando ku hopi éksito. Pero tòg tin áreanan mas difisil ku mester di èkstra atenshon. Pues pa nos por enfoká durante henter dia riba ehekushon di trabounan ku mester tuma lugá den e kuadro aki i garantisá siguridat di bishitantenan i trahadónan nos a disidí di sera e parke un dia den siman.Tambe ta un dia den siman pa e rangernan por hasi trabou di mantenshon mas dirigi. Awor ku algun luna a pasa, nos a re-evaluá e situashon i a disidí pa ekstendé e orario mirando kon positivo e impakto di esaki ta riba e reforestashon di nos parke.

E orario di WSP lo kontinuá di ta di djamars pa djadumingu. E orario ta di 8or di mainta pa 5or di atardi. Registrashon pa drenta ta tuma lugá te ku 14:30.

Nos ta pidi diskulpa pa kualke inkumbiniensia ku esaki por trese. Danki pa e koperashon.

BròKèS 93.5 ………… Skuch’é!