Despues di Mark Rutte su diskurso riba 19 di dezèmber 2022 i diálogo ku minister Van Gennip, Grupo diálogo di Boneiru a komprondé ku gabinete tabata impreshoná i agradesido pa e pordon di Grupo diálogo di Bonaire. E petishon pa traha un muraya na Boneiru ku nòmber di e katibunan liberá riba promé di yüli 1863 ta kanando den bon direkshon. Den kombersashon ku Banko Nashonal Hulandes dia 10 di yanüari a bai di akuerdo ku Grupo diálogo di Boneiru por manda un proyekto na un fondo apart pa e muraya. Sèmper den reunionnan di gruponan di diálogo di tur isla, mandatarionan hulandes i charlanan tokante e impakto di sklabitut riba e komunidat aktual e palabra sanashon di trouma di sklabitut ta bini dilanti, Trouma ta un konsepto ku hopi biaha ta mará na un persona pero tambe na un un grupo òf henter un pueblo. Paisnan afrikano for di unda e personanan sklavisá a bini tambe a i ta pasa den trouma.Ta algu mental ku kisas nos komo desendiente di katibu tin ku duna atenshon. Ekspreshonnan manera; Mi no ta katibu, bo ta neger, pretu mahos, stòp di hasi kos di neger, kabei duru, krin i asta orguyoso di ta desendiente di katibu tambe ta un forma di trouma. E tema aki ta netamente den e kuadro di e impakto di sklabitut riba komunidat. Pa trese e parti di trouma den diskushon Grupo diálogo di Boneiru ta organisá un charla na enkargo di sikólogo arubano Drs Dimitri Halley riba 1 di febrüari anochi di shet’or pa nueb’or na Captain Don’s Habitat. Bo ta liber pa partisipá i rekonosé ku si sklabitut ta solamente un parti di historia òf te ainda nos ta sinti efekto di sklabitut den komunidat boneriano.
Arthur
===========================================
BròKèS 93.5 ………… Skuch’é!
.png)
