Notisia di polis di djárason 10 di mei te ku djabièrnè 12 di mei 2023

Sambuyadó den problema

Riba djaweps 11 di mei ‘meldkamer’ sentral a risibí notifikashon tokante un sambuyadó kua hañ’e den problema den besindario di Salt pier. Na yegada di patruya e sambuyadó ya tabata na tera i trahadónan di e kompania di salu ya kaba a kuminsá ku reanimashon. Personal di ambulans ku a yega na e sitio a tuma ofer e reanimashon. Despues di yegada na hospital lamentablemente e víktima a bin fayesé. Ta trata di un dama di nashonalidat Merikano.

Outo na kandela

Riba djaweps 11 di mei meldkamer sentral a risibí notifikashon tokante un outo na kandela na un kas situá na Kaminda Lac. Na yegada di patruya a topa ku un pikòp na kandela den kura di e kas. Brantwer ku a akudí na e sitio a paga e kandela. Kousa di e kandela ainda no ta konosí. No tabatin herido. E pikòp a haña daño material dor di e kandela.

Detenshon pa ladronisia di kabritu

Riba djárason 1º di mei a gara i detené tres hòmber en konekshon ku no duna oido na òrdu di polis, pa ladronisia di kabritu, destrukshon i violashon di Lei di Arma BES. A warda e tres hòmbernan aki den besindario kaminda hòrtamentu di kabritu tabata tumando lugá. Despues di un persekushon kòrtiku a detené e hòmbernan. Ta trata di un hòmber di inisial J.W.H.M. di 53 aña di edat, un hòmber di inisial S.R.S. di 56 aña di edat i un hòmber di inisial J.C.W. di 23 aña di edat. Durante di e detenshon a konfiská e outo, kabritu, telefòn, kuchú , machete, arma di kandela i munishon. Investigashon den e kaso ta andando.

BròKèS 93.5 ………… Skuch’é!