top of page
ggzsjjg.png

Notisia di polis di djaluna 15 di mei te ku djárason 17 di mei 2023


Detenshon

Den oranan di mardugá riba djárason 17 di mei a detené un hòmber di inisial G.G.B. di 32 aña en konekshon ku violashon di Lei di Opio BES, pa no duna oido na òrdu di polis, pa manehá sin reibeweis i seguro bálido. A señalá e sospechoso riba Kaya Korona na momento ku el a kore pasa un outo di polis ku un lus so i riba velosidat haltu. E patruya a bai su tras i a duna òrdu pa para usando e lusnan óptiko i señal di zonido. Na esaki e no a duna oido i a sigui kore. Na un kas situá den Kaya Mohicano el a para i a detené. Komo ku por a nota un holó stèrki di mariwana a listra e outo. Aki a bin topa ku un supstansia bèrdè paresido na mariwana i a konfiská esakinan. Durante kòntròl mas aleu e sospechoso no por a mustra un reibeweis ni seguro bálido. Pa esaki el a haña un prosèsferbal.


Ladronisia di skuter

Riba djamars 16 di mei a drenta keho di ladronisia di un skuter kolo pretu di marka Senzo Sports, numerá MF-4385. E skuter tabata stashoná, na lòk ku un lòk di kadena, dilanti di un kompleho di apartamento situá na Kaya Nikiboko Nort. Entre djamars 9 di mei djárason 10 di mei deskonosínan a bai ku e skuter.


Riba djaluna 15 di mei tambe a drenta keho di ladronisia di un skuter kolo shinishi skur di marka Kymco, modèl Agility, numerá MF-3059. E skuter tabata stashoná dilanti un kas situá na Kaya Sabana. Entre djadumingu 14 di mei i djaluna 15 di mei, deskonosínan a bai ku e skuter.


Ta investigando ámbos kaso.


Aksidente entre outo i skuter Alrededor di 5 or di atardi riba djamars 16 di mei un aksidente entre un outo i un skuter a tuma lugá riba e krusada di Kaya Amsterdam i kaminda Djabou. Pa motibu ainda deskonosí e skuter i e outo a dal frontal den otro. Ambulans a transportá shofùr di e skuter pa hospital pa tratamentu médiko.


Kòntròl konhunto na establesimentunan di horeka Riba djaweps 4 di mei a kontrolá un establesimentu di horeka situá den Kaya Grandi i un di dos kòntròl a tumá lugá riba djárason 10 di mei na un establesimentu di horeka situá na Kaya Hermandad. A tene e kòntròl den kolaborashon ku e direktorado Supervishon i Mantenshon di Lei di Entidat Públiko Boneiru, Kuerpo di Bombero Hulanda Karibense (BKCN) i Kuerpo Polisial Hulanda Karibense(KPCN).


Durante e kòntròl, e diferente instansianan a kontrolá si ta kumpli manera stipulá ku medidanan di seguridat. BKCN a kontrolá entre otro e aparato di paga kandela, lus ku ta duna señal na momentu di emergensia i e salida di emergensia. A midi tambe e espasio pa kontrolá kuantu hende máksimo por ta den e establesimentu. Aparte di esei a puntra e propetarionan pa hasi adaptashon na algun medida di seguridat. E tipo di kòntròlnan aki lo sigui tuma lugá den e próksimo simannan na diferente establesimentu di horeka pa garantisá seguridat di tur hende.


BròKèS 93.5 ………… Skuch’é!

4 views
BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page