Notisia di polis di djabièrnè 12 di mei te ku djaluna 15 di mei 2023

Entrada Hudisial

Riba djabièrnè 12 di mei, den oranan di atardi a tene un entrada hudisial den un kas situá den e bario di Antriol. E entrada tabata den kuadro di un ladronisia kometé resientemente. Durante di e entrada a detené un homber di inisial F.D.J. di 48 aña di edat en konekshon ku ladronisia, enkubrimentu (heling), violashon di Lei di Opio BES i Lei di Arma BES. A konfiská tambe artíkulo probablemente prosedente di ladronisia i otro artikulo kontra lei di Opio BES i lei di Arma BES. Investigashon den e kaso ta andando i no ta deskarta mas detenshon den esaki.

Aksidente ku siklista

Riba djadumingu 14 di mei, alrededor di 6.30 or di atardi, 'meldkamer' sentral a risibí notifikashon tokante un aksidente ku a tuma lugá na e skina di Kaya Macario Sint Jago i Kaya Orgel. Aki un outo a alkansá un siklista. Ambulans a transportá e siklista, ku ta menor di edat, pa hòspital pa tratamentu médiko. Situashon di e víktima ta stábil.

BròKèS 93.5 ………… Skuch’é!