Nan a yega di zundra e saserdote den varios okashon pa su charla nan ku tabata inkluà asta palabra malu. Iglesia katoliko a konfirma ku nan a kansela saserdote Jesús Alfredo Gallegos Lara, mas konosà komo ‘Padre Pistolas’ na papiamentu nos lo por yam’e pastor kach’i kandela, ku tabata eherse ku labor na e suidat di Michoacán, na México. E saserdote tabata visto varios biaha den polemika, entre otro ta arma i papia palabra malu den su charlanan.
Aunke nan a pone e pastor na un pause momentario dia 4 di sèptèmber pasa, monseñor Carlos Garfias Merlos tabatin ku retira su desishon nan momentu ku e la haña sa ku e pastor ta sigui desempeña su trabou komo saserdote. E la adverti ku si ‘Padre Pistolas’ sigui insisti pa sigui ku su labor, e mester ser kastiga ku un pena justo, ken no ataka un òrdu òf prohibishon i ta resisti den su desobedensia despues di a korigi'é, mester risibi un kastigu.
‘Padre Pistolas’ di 71 aña, a ser konosà pa tin arma di kandela i insita su hende nan pa uzanan pa defende nan mes. E sikario nan ta yega, horta bo bestianan, abusa di bo kasa i abo ta keda mane chanbon. Kumpra un arma, ignora gobiernu. Paso dikon nan si tin i nos no. Nos tin ku defende nos bida, e pastor a bisa den un di su charlanan ku a viralisa na novèmber 2021. E pastor ta òfrese tambe yerba kombina ku e ta bisa ku por kura enfermedatnan manera kanser. Mi ta pidi un orashon pami paso si mi ta vulgar, asina hende ta yamami, pro asina mi ta felis i mi no te kambia, e pastor a ekspresa den un entrevista.
===========================================
BròKèS 93.5 ………… Skuch’é!