top of page
ggzsjjg.png

MHC ta lansa buki karibense pa mucha tokante emoshon i trouma


Riba djabièrnè 26 di mei e instansia di GGZ, Mental Health Caribbean – MHC den koperashon ku Biblioteka Públiko Boneiru ta organisá lansamentu di e buki pa mucha ‘Un kashi yen’ (‘Een kast vol’). Na e okashon akí lo presentá e buki na públiko i lo lesa for di dje. Partnernan di kadena, mayornan, muchanan, miembronan di prensa i tur otro interesado ta kordialmente bon biní for di 15:30 or te 16:30 or pa presensiá e momentu akí.


‘Un kashi yen’ ta un buki pa mucha tokante pasamentu den eksperensia troumátiko, traspaso intergenerashonal i problemátika riba tereno di regulashon di emoshon. E ta ofresé famianan hèrmènt pa papia tokante emoshon i salú mental i ta un instrumento pa drenta den kòmbersashon tokante emoshon i situashonnan difísil den nan propio idioma. Pa medio di duna sierto palabranan na e emoshonnan, mucha por komprendé mas mihó kiko ta pasando, spesialmente ora un di e mayornan tin di haber ku trouma.

E hèrmèntnan ku e buki ta duna por sòru ku ta surgi mas komprendementu i ku situashonnan na kas ta eskalá ménos. E buki ta skirbí den un forma fásilmente aksesibel, di manera ku mayornan mes, skol i otro instansianan por hasi uso di dje. Diputado Nina den Heyer a skirbi e epílogo i den siman di 22 di mei huntu ku MHC e lo hasi un bishita na algun skol básiko pa un momentu di lesa pa e muchanan tende. Durante e siman ei ku frekuensia lo por tende i mira MHC den medionan di komunikashon, ku komo meta pa hasi posibel pa papia tokante e tema di salú mental na Boneiru.


Kolaborashon ‘Un kashi yen’ ta un metáfora pa ‘un kabes yen’ i anterior agente polisial Maaike Zegers-Handgraaf a skirbié. E buki original ta splika kiko ta e problemanan ku e outor mes tabata konfrontá den su famia, tempu ku e tabata sufri di un trastorno di strès postroumátiko pa motibu di su trabou. Pa e vershon karibense e Programa di Desaroyo di Talento (Talent Ontwikkel Programma Bonaire – TOP) a tuma e proyekto na su enkargo, den kolaborashon ku MHC. Huntu ku ekspertonan lokal e sikólogo di GZ (kuido di salú) Maaike a konbertí e storia den un konteksto karibense i a laga tradusié na papiamentu. Esaki a bira posibel ku sosten finansiero di MHC, Kuido i Hubentut Hulanda Karibense i Ministerio di Enseñansa, Kultura i Siensia na Boneiru. E buki, tantu na papiamentu komo na hulandes, lo ta optenibel entrante 26 di mei na biblioteka i diferente instansia di hubentut na Boneiru.

BròKèS 93.5 ………… Skuch’é!


0 views

تعليقات


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page