Kurt Minnaar, un mener di matematika di 33 aña di suidat del Cabo, ta usa ritmo di hip hop pa hasi su lèsnan mas entretenido pa su alumnonan. Kanta òf skucha musika durante lès, por lo general ta hopi mal visto, pero den klas di Kurt Minnaar, den realidat e ta un rekisito previo. E èks koreografo i artista di Hip Hop ta usando ku konosementu musikalnan pa hasi e proseso di aprendisahe di matematika mas fasil i menos laf pa su alumnonan. Minnaar ta bisa ku mayoria mucha awendia gusta musika i e basikamente ta huzando e plan di estudio di matematika tradishonal i meskle ku algu nan gusta pa hasie mas fasil pa kòrda i siña.
Kurt Minnaar ta bisa ku meskos ku algun di su alumnonan, e tambe tabatin problema na skol. Prinsipalmente debi na e forma estrikto i laf ku e tabata haña mayoria di su lès nan. E tabta un mucha hiperaktivo i tabatin problema ku konsentrashon den materianan manera matematika, pero konforme e tabata kresiendo e la ripara ku no tabata su kulpa sino kulpa di e sistema di edukashon publiko tradishonal, ku no ta funshona pa tur hende. Asina ta ku e la disidi di krea un fokus nobo, unu ku lo pone e studiantenan interesa mas den skol.
“E forma tradishonal di enseñansa ta sirbi solamente pa alumnonan independiente”, Kurt Minnaar ta konta. “Tin alumnonan di skol sekundario di su klas ku nisikiera konose kontenido di skol basiko. Via rep Kurt a krea un metodo di enseñansa ku ta sirbi pa alumnonan kreativo, hiperaktivo of ku tin dislexia”. Ku ayudo di algun amigu, Minnaar a krea pistanan di 60 sekonde kaminda e ta rep Tabelnan di multiplikashon ku ritmonan di Hip Hop. E ta pone su alumnonan rep huntu ku e kantika. Tambe e ta animanan pa baila durante lès, ya ku e ta yuda e muchanan mehoranan animo i siña mas fasil.
Te na e momentu aki, Kurt a krea e material musikal aki solamente pa Tabelnan di multiplikashon, pero e resultadonan tabata asina positivo ku awor e ta trahando riba material nobo di aprendisahe. “Mi a mira bon resultado den mi klasnan, pero pa mira un resultado miho, mi mester traha mas lès i material di aprendisahe. Mi tin hopi otro ideanan ku mi ke huza, pero e lo bai tuma algun tempu”, e ta bisa. For di dia ku Minnaar a hiba musika Hip Hop den klas, e tabatin menos interupshon durante klas, e atenshon tabata kontante, 100% i e puntonan di e studiantenan a subi konsiderabelmente. Banda di esei, awor aki e muchanan gusta siña matematika.
Kurt ke reta e forma tradishonal di enseñansa, pero e no ta bisando ku e no ta funshona, djis ku e no ta funshona pa tur hende, paso no ta tur studiante ta siña di e mesun manera. Su inisiativa ta djis demostra ku nos mester mantene nos mente habri ora ta trata di edukashon di nos muchanan.
=========================================== BròKèS 93.5 ………… Skuch’é!
.png)
