Ba yega di studia di lista di amigunan di Facebook i ba puntra bo mes “Kuantu di e personannan aki realmente ta mi amigunan?”. Bon e artista Tanja Hollander a hasi su mes e pregunta aki i a disidi ku e ta bai buska e kontesta di su pregunta bishitando tur i kada un di su 626 amigunan di Facebook. Tanja a dokumenta su eksperensia ten un proyekto yama “Bo ta realmente mi amigu?”.
Tur kos a kuminsa un aña nobo, ora ku e arista Maine Tanja Hollander despues di a kobersa ku algun amigu online, e la keda penbsa kua ta su relashon ku tur e personanan ku tin den su lista di Facebook. E ta puntra su mes si e amistadnan forma online ta realmente real manera ku nan gta online, i si hopi di su “amigunan” den realidat ta djis konosí. “Mi ta realmente amiga di tur e hendenan ei?” Tanja a puntra su mes i mesora e tabata sa ku e mester a buska un kontesta.
E plan tabata bastante fasil, e tabtin ku bishita tur su 626 amigunan di Facebook, pasa tempu ku nan i saka nan potrèt pa e projekto. Tanja a kaba biahando dos siman pa luna durante un periodo di 5 aña, i e a bishita tur e personanan riba su lista di amigunan, dokumenta kada enkuentro riba su Facebook i Instagram. Ora e a kaba su biahe, Tanja Hollander a bishita 4 kontibnente, 12 pais, 43 suidat di Merka i nan a risibie na mas ku 400 bibienda. Pero lo mas importante ta ku e la haña un kontesta riba e pregunta ku a kuminsa tur kos.
“Un kos ta bèrdat”, e artista a bisa. “No tin diferensia entre e amistatnan online i bida real. Retnan sosial ta djis un manera diferente pa komunika”. Hollander a bisa ku “bo ta realmente mi amigu?” a demostra di ta un manera pa krea un eksperensia hopi intimo ku e hendenan di tal manera ku e ta sinti manera si ta eksisti un realidat virtual. “Mi ta sintimi konekta rònt mundu na un nivel diferente, ku amistad ta parti di e eksperimento sosial aki i e piesa di arte ku mi a hasi”, Hollander a bisa. “Kisas e ta difisil pa splika, mi ta kere ku amistat ta importante den diferente momentu di nos bida, i esei ta bon.”
===========================================
BròKèS 93.5 ………… Skuch’é!
.png)
