top of page
ggzsjjg.png

Lidewijde Ongering presidente nobo di Kolegionan supervishon finansiero (Cft)


Riba rekomendashon di promé minister, Konseho di Minister di Reino i Konseho di Minister a aprobá nombramentu di drs. L.M.C. (Lidewijde) Ongering komo presidente nobo di e Kolegionan supervishon finansiero. E ta sigui prof. dr. Raymond Gradus, ku tabata presidente di e Kolegionan for di 1 di yüli 2017.



Ku su nombramentu dor di Konseho di Minister (di Reino) entrante 1 di febrüari señora Ongering ta bira e presidente nobo di Cft Kòrsou i Sint Maarten, CAft i Cft Boneiru, Sint Eustatius i Saba. Señora Ongering ya tin un karera largu na vários departamento na Den Haag, entre otro na Asuntunan Interior i Relashonnan den Reino, Infrastruktura i Maneho di Awa, Asuntunan Ekonómiko i Klima. Na e último dos departamentonan e la yena e funshon di sekretario-general. Na e ministerio di Salubridat Públiko, Bienestar i Deporte e tabatin e funshon di Direktor di Asuntunan Finansiero-Ekonómiko.


E Kolegionan supervishon finansiero ta independiente i ta supervisá kalidat di finansa públiko di e paisnan Kòrsou, Sint Maarten i Aruba i di Hulanda Karibense: Boneiru, Sint Eustatius i Saba. E Kolegionan tin un ròl di señalá i konsehá.


Alexandra van Huffelen, Sekretario di Estado di Asuntunan Interior i Relashonnan den Reino: “Mi ta kontentu ku nos a logra di haña un persona ku un posishon di servisio sólido pa e funshon aki. E ta un digno susesor di señor Gradus ku na òktober 2022 a anunsiá su despedida entrante 1 di febrüari. Mi no por enfatisá e importansia di finansa saludabel sufisiente. Finansa públiko saludabel ta forma e base pa invershonnan i mester guia na mas resistensia i un desaroyo duradero di e paisnan. Ku e meta prinsipal: mas bienestar pa tur abitante.”


Lidewijde Ongering: “Mi ta entusiasmá pa atendé e retonan, ku pa un gran parti mi ta rekonosé, for di un perspektiva komun. Cft ta supervisá e presupuestonan. Despues di algun aña difísil e atenshon awor ta dirigí riba rekuperashon i realisashon di un kresementu ekonómiko ku ta finansieramente responsabel i duradero. Den mi ròl di presidente di Cft lo mi atendé esaki ku tur seriedat.”


Lidewijde Ongering ta sigui Raymond Gradus, ku tabata presidente di e Kolegionan supervishon finansiero pa mas di 5 aña i mei. E Konseho di Minister (di Reino) ta gradisí señor Gradus pa su embolbimentu i aporte na e paisnan. Na nòmber di Konseho di Minister (di Reino) e Sekretario di Estado di Asuntunan Interior i Relashonnan den Reino ta pèrkurá pa konfirmashon di e nombramentu den un ‘Koninklijk Besluit’.

===========================================

BròKèS 93.5 ………… Skuch’é!

5 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page