Di 31 di òktober te ku 2 di novèmber e konferensia bienal tokante violensia doméstiko i abusu di mucha ‘No Mas No More’ ta tuma lugá na Kòrsou. E konferensia ta pa profeshonal ku ta traha den e área di violensia doméstiko i abusu di mucha for di e seis islanan karibense i Hulanda Oropeo. E ta organisá dor di Ministerio di Salubridat, Bienestar i Deporte den kolaborashon ku Ministerio di SOAW di Kòrsou.
Durante e konferensia lo papia tokante e enfoke di violensia doméstiko i e aktividatnan nesesario pa mehorá e bienestar. E biaha aki e tema edukashon seksual i violensia seksual ta sentral durante e konferensia No Mas No More. E tópikonan entre otro ta e aspektonan kultural di género i seksualidat, pakiko vÃktima ta haña kulpa, abusu seksual di mucha i e implementashon di e Tratado di Istanbul.
E konferensia ta enfatisá e importansia di yudansa integral i kolaborashon ku ta pasa e fronteranan di institushon i partnernan di kadena, manera e dominio sosial, enseñansa, kuido di hóben, kuido di adulto, akohida i hustisia. Mandatario, manager i ámtenar di maneho ta hunga un papel krusial den e kordinashon di esfuersonan i e realisashon di solushonnan.
E konferensia aki ke mustra ku huntu nos sa mas ku nos so. Esei ta eksaktamente e diferensia di vishon i konosementu na e diferente islanan ku ta oumentá e kalidat di nos análisis i plannan. Eksaktamente e ‘diferensia ta hasi e diferensia’ na e kolaborashon den fase pa seguridat.
Profeshonalnan por konektá online na e live streaming di e konferensia, por haña e programa riba https://www.nomasnomore.nl/conferenties/.
BròKèS 93.5 ………… Skuch’é!
.png)
