KOLEGIO EKEKUTIVO A BAI DI AKUERDO: KAYA ARUACO TA HAÑA ASFALT

Kolegio Ehekutivo a disidí pa den konsulta ku Curoil Boneiru asfaltá Kaya Aruaco. Ta pone asfalt for di Kaya Leeuwarden te na entrada di Curoil Boneiru riba e kaminda akí (fase 1). Den futuro ta pone asfalt for di entrada di Curoil Boneiru te na Kaya Pueblo (fase 2). Kaya Aruaco ta un kaminda di tera den mal estado. Pa medio di pone asfalt riba e kaminda akí, e lo bira mas seif pa transporte di supstansia peligroso i pa habitantenan di e barionan Nort’i Saliña i Hato ku ta keda den besindario.

Renobashon di e kaminda a bira realidat den konsulta ku Curoil Boneiru, pa motibu ku Curoil Boneiru ta bai finansiá un parti di e gastunan. Curoil Boneiru ta suministradó di kombustibel i for di Kaya Aruaco e kompania akí ta duna servisio na su klientenan. Kaya Aruaco ta konektá e barionan Hato i Nort’i Saliña ku otro. Ora awaseru kai duru, e kaminda di tera ta bira mas malu i ta yena ku buraku. Transporte di líkido i gas inflamabel por kondusí na situashonnan peligroso. Pa prevení esaki Curoil a proponé pa yuda paga i kolaborá ku Entidat Públiko Boneiru. E ora ei ta anunsiá e planifikashon i e strukturashon den fase.

BròKèS 93.5 ………… Skuch’é!