Si tuma nota di e informashonnan ku mas ta resaltá den e mas resien komunikado di polis, simpemente por kalifiká djárason 20 di mart 2024 komo 'DJARASON DI MENSA, MALTRATO I DETENSHON'
Detenshon pa destrukshon i menasa; Djárason 20 mart, alrededor di 8.30 or di mainta, a detené un hòmber di inisial R.C.C. di 24 aña di edat na Plaza Fraternan di Tilburg pa destrukshon i menasa. E sospechoso a menasá personal di un instituto i a destruí un porta. Investigashon den e kaso ta andando.
Detenshon pa menasa i maltrato; Djárason 20 di mart, 7.20 or di anochi, a detené un hòmber di inisial J.A.A.B.J. di 26 aña di edat riba Kaya Azusena pa menasa, maltrato, maltrato ku arma i destrukshon. Durante un interkambio di palabra, e sospechoso a kòrta un hòmber na su plant'i man i menasá un dama. Despues el a destruí un porta di kamber di kas. A detené e sospechoso na e sitio i investigashon den e kaso ta andando.
Mas detenshon; Djárason 20 di mart, 8.40 or di anochi, a detené un hòmber di inicial N.E.H. di 40 aña di edat riba Kaya Yolanda pa maltrato ku arma, ladronisia i destrukshon.
E sospechoso a destruí porta di un kas riba Kaya Linda, el a maltratá un dama i a dal’e ku diferente opheto. Despues el a kue telefòn di e víktima i bai kuné. Momento ku e agentenan tabata tuma deklarashon di e víktima, e sospechoso a kore pasa dos biaha banda di e kas. Agentenan a bai tras di e sospechoso i par’é riba Kaya Yolanda i a detené.
Detenshon pa menasa ku machete; Djárason 20 di mart, den kareda di 10 or di anochi, a detené un hòmber di inisial E.P.R.A. di 42 aña di edat pa menasa., esaki relashoná ku un pleitu entre bisiña na Subí Blanku. Segun e persona ku a mèldu, e sospechoso tabata kana ku un machete den su man. Na yegada di e patruya por a konstatá klaramente ku e sospechoso tabata bou di influensia di alkohòl. Durante un diskushon, e sospechoso a menasá bisiñanan ku machete. Ta investigando e kaso.
.png)
Comentarios