Djasabra último 23 di sèptèmber a tuma lugá e promé evento di Gang di Arte Bonaire, e asina yamá ‘Gang Up Launch Event’. Un anochi yen di talento hóben ku kanto, rèp, baile, músika i mas. Ganadónan di Gang di Arte Aruba 2022 a topa ku Gang di Arte Boneiru kaminda huntu nan a traha un bunita presentashon ku e mensahe union.
Di Boneiru a presentá Casa de Musica ku nan show di drumband, un gupo hóben ku kantika pòp Sunkiss, Floran Damen i su piano, ACE Tweens ku su show di baile i e DJnan mas hóben di Boneiru ku a hasi nan debut. Ta trata aki di sinku hóben, DJ M.T. (K’Jar Martines), DJ Sweet Z (Jazaira Mercera), DJ Storm (Zhane Ayubi), DJ Zian (Zani van de Ven) i DJ Chaos (Justin Obispo).
Gang di Arte Aruba tambe a trese kuater tremendo presentashon ku mensahenan positivo rònt di e tema “Talento Skondí”. Di Aruba a presentá tambe B.M.T. (Black Man Team) ku un tremendo show di rèp, Gicelle i Alakina ku a kanta i toka kitara i No Image Dance Crew ku un show di baile ku un mensahe di “basta ku skonde talento di hobenan”. ACE Foundation ta yama danki na tur ku a sostené evento.
BròKèS 93.5 ………… Skuch’é!
.png)
Comments