Fundashon Tienda pa Konsumidó Boneriano A Tuma Akshon: Banco di Caribe Bonaire Mester Drecha Servisio Telefóniko

Fundashon Tienda pa Konsumidó Boneriano ta tuma akshon: Banco di Caribe Bonaire ta bai mehorá su servisio telefóniko pa kliente mas tarda na yüli 2024.

Pa bastante tempu kaba klientenan di Banco di Caribe Bonaire ta eksperensiá retonan ku e aksesibilidat di servisio di kliente telefóniko i tambe e liña general.

Pa basta tempu kaba klientenan di Banco di Caribe Bonaire ta eksperensiá retonan ku e aksesibilidat di servisio di kliente telefóniko i tambe e liña general.

Fundashon Tienda Pa Konsumidó (FTPKB) a yama Banco di Caribe Bonaire dieseis biaha den tres dia for di diferente liña di telefòn. Yamadanan a tuma lugá riba tur e dos numbernan públikamente konosí pa verifiká ku bèrdat telefòn no ta keda kontestá.

No a logra niun biaha pa alkansá un persona  riba e liñanan menshoná.

FTPKB a puntra diferente kliente lokal di Banco di Caribe tokante nan eksperensia ku e servisio dje banko. A keda konfirmá na diferente okashon ku Banco di Caribe Bonaire ta difísil pa alkansá telefóniko.

Un intento pa alkansá nan via e-mail lo por duna posibel mas resultado.

E number di servisio di kliente di Bonaire tin biaha e filial na Kòrsou ta kontestá, ku ta manda un mensahe Boneiru pa nan tuma kontakto ku e kliente en kuestion.

Tambe ta posibel pa laga bo informashon di kontakto riba e aparato di kontesta.

Ta resultá ku yamamentu bèk di nan parti tampoko no sa bai bon, ademas ta parse ku diferente asuntu ta den man di e filial na Kòrsou mes ku ta manda e kliente atendé ku personal di Boneiru.

FTPKB a entregá un keho por eskrito na e banko en kuestion. E reakshon di banko tabata hopi positivo. E representante dje banko a duna nan mas sinsero diskulpa pa no a kontestá  yamada i/òf no a yama bèk na tempu. Nan ta komprondé e frustrashonnan ku esaki ta trese kuné i ta indiká ku no ta e norma òf e standard ku nan ta representá.

E banko a indiká ku e filial na Boneiru a eksperensiá un kresementu konsiderabel den e último tempu. Esaki entre otro a kontribuí na e situashon aktual ku nan ta den.

E kresementu aki a trese retonan, un di nan ta falta di trahadó. Sinembargo, nan ta sigurá ku nan ta hasiendo nan mas esfuersonan pa resolvé e retonan ku e kresementu ta trese mas lihé posibel. Nan ta aktivamente rekrutando personal nobo pa garantisá e kalidat di servisio di kliente. Nan ta apresiá e pasenshi i komprenshon di nan klientenan miéntras nan ta trahando duru riba e solushonnan pa e faltamentu grave aki.

Banco di Caribe ta planeá pa mehorá e alkanse telefóniko no mas lat ku yüli 2024.