Un ex mionario na china a bira notisia dor di su plan di paga un debe di 6.4 mion doler bendiendo hotdog riba kaya.
No hopi tempu pasa, Tang Jian, un di e empresarionan mas eksitoso di provinsa Zhejiang. Ku 36 aña ya kaba e tabata doño di un di e kadena di restaurant i tabata konta ku un gran frotuna. Pero na 2005, tang a disidà di inverti un parti grandi di su sèn den un sektor kompletamente nobo i e kosnan a kumins bai malu. Awor ku su 52 aña, e ex mionario tin un debe di mas ku 6 mion doler, pero e ta hasi esfuero pa paga kada un sèn bendiendo hotdog riba kaya.
Ora ku e a kuminsa inverti den su negoshi nobo, Tang jian tabata konvensà ku e lo a gana mas i no tabata ke skucha niun hende bise lo kontrario. Apesar ku e proyekto tabata genera perdida el a sigui invertà aden i ora ku porfin e la ripara ya tabata demasiado lat. Inkluso bendiendo tur su restaurantnan, kasnan i autonann, Tang tabata sigui tin un debe di 6.4 Mion doler i no tabatin otro opshon ku deklara kiebra. Pero na luga di kai debà na e preshon di mester paga tur e sèn ei, Tang a disidà di bolbe bek na su rais I kuminsa bende kuminda.
E no tabatin sèn pa habri un restaurant nobo, asina ta ku e la konforma ku un puesto di kuminda riba kaya ku e mes a traha. E ta bende hotdog i ta konfia ku e empresa humilde aki lo yude paga su deuda. Su historia a yega na kurason di hopi chino ku a apresia su resistensia i su vishon positivo di bida.
« Nos ta nase sin nada. Dikon nos mester tin miedu di bolbe kuminsa di nobo? » Tang a puntra den un entrevista. «Nos tin ku sigui siña enfrenta difikultat kun kalma i sigui bai dilanti ku balor. Kada un di nos ta biba un bida desafiante i ta haña nos mes ku hopi difikultat, pero nos mester enfrenta e spiritu di nunka ta derota» e empresario di 52 aña a bisa.
E historia di Tang a bira viral i a inspira hopi persona. Na final si un ex mionario ku 6.4 mion doler di debe por tin un aktitut positivo, sigur nan tambe por.
===========================================
.png)
