Un suidadano britaniko a bisa ku e ta sintie desepshona despues ku e la deskubri ku e la bishita su yu na e graf inkorekto durante 30 aña. George Salt a konta ku su yu Victoria a muri na Yüli 1988, ku solamente 2 dia di nasementu. E tata ta bishita e yu su graf 2 biaha pa aña, pero un dia e la haña un sorpresa na momentu ku e la haña e graf ku e tabata kere ta di su yu bashi. Stone a buska den henter santana i e la haña un graf ku tabatin e restunan di Victoria u otro 16 persona mas den un luga diferente.
Ora nan a traha e graf ei na den dekada di 1980, aparentemente nan a pone na un luga ku tabatin espasio pero e empleadonan a deskubri e aña aki ku e tabata den de area inkorekto i nan a move patras. “Simpelmente nan no a avisa i mi ta sintimi desepshona”, Salt a bisa. “Ora bo bishita un graf bo ta sinta i papia i konta bo problemanan, pero loke a ponemi rabia ta ku mi a papia ku un pida tera kaminda e no tabata”.
===========================================
BròKèS 93.5 ………… Skuch’é!
.png)
