E KABRITU 'YA - Den su Estilo Propio, Luis Moka & Palu Grandi ' Ta Lansa Otro Kansion Riba Merkado.

E hóben i popular kantante, músiko i kompositor Luis Moka

ta sigui kayente den nos farándula, lansando otro kansion riba merkado.

Huntu ku su grupo musikal Palu Grandi,

Moka e biaha aki ta presentá e kansion titulá E Kabritu 'Ya. 

E tema aki atrobe no solamente ta ilustrá é estilo propio ku Luis Moka a krea,

sino tambe ku e konsistensia ku e tin den esei.

Krea propio estilo 'kere den dje i ser konsistente' no ta algu fásil,

sigur den e kaso aki di 'kanto i músiko' den kual bo tin ku tene kuenta ku fanátiko,

popularidat i tin bes asta ku kompetensia etc.

Ta bini aserka den e kaso aki di Luis Moka ku trata aki di un hóben,

i siendo hóben fasilmente por surgi desviashon .

Nos BròKèS 93.5 FM ta deseá Luis Moka i Palu Grandi

mas inspirashon, kreashon i sigur mas éksito pa futuro.

Mas ku tur kos, mantené, desaroyá i bai pa ekselensia ku 'bo estilo'.

BròKèS 93.5 ………… Skuch’é!