Dia Mundial di Areas Akuatiko

Area akuátiko (wetlands) di Boneiru ta un di e áreanan di mas variedat biológiko di e isla. Di saliña te ku mangroves, nan ta áreanan di interes ekológiko, kultural i ekonomiko. E áreanan ta habitat krítiko pa abundansia di mata i bestia, tambe ta duna otro servisio ekológiko, manera defensa di kosta, filter di awa i kohe CO2 (karbon dioksida) di e atmósfera.

Ounke Boneiru ta chikitu, kuater di su áreanan akuàtiko ta indiká komo sitionan di Ramsar, ta nifiká ku ta un área akuàtiko di interes internashonal. E áreanan ta Washington Slagbaai (Gotomeer i Salinja Slagbaai), Klein Bonaire, Lac i Pekelmeer.

E aña aki, Mangrove Maniacs ta organisá un evenemento riba Dia Mundial di Areas Akuatiko pa konsientisa tokante e importansia di e areanan fasinante akí. Bin selebrà ku nos 2 di Febrüari di 5 pa 9 pm na Plaza Wilhelmina. Representantenan di organisashon di naturalesa i otro stakeholders tambe ta partisipá. Tin stènt di informashon, video, un exhibishion di foto, bar i trùk di pan. Tambe ekspertonan di para lo ofresé un 'guided tour'. Bin siña mas di e área spesial, e trabou importante i si por ofresé pa yuda ku nan trabou.

===========================================

BròKèS 93.5 ………… Skuch’é!