Departamentu di Krimen Sibernétiko di KPCN ta atvertí pa ‘hack’-mentu di kuenta di WhatsApp

E departamentu di Krimen sibernétiko (cybercrime) di Kuerpo Polisial Hulanda Karibense (KPCN) a konstatá ku último tempu kontinuamente tin kasonan di ‘hacker’ nan ku ta tuma over kuenta di WhatsApp (WhatsApp account) di habitantenan di Boneiru.

Investigashonnan a mustra ku nan por tuma e buzon di mensahe di bos (voicemail box) di bo telefòn tambe over pa via di e buzon mensahe di bos tuma over e kuenta di WhatsApp.

E departamentu di Krimen sibernétiko ta avisá tur hende pa instalá dòbel verifikashon riba nan kuenta di WhatsApp pa evitá ku ‘hacker’ nan ta tuma over bo kuenta di WhatsApp.

Esaki por di e siguiente manera:

• Bai den ‘settings’ di bo WhatsApp;

• Primi e ora ei riba ‘account’;

• Einan bo por skohe pa e dòbel verifikashon (Two-step verification): primi riba dje i sigui e instrukshonnan.

E siguiente link ta splika kon bo por hasi esaki pa diferente otro plataforma, inkluyendo WhatsApp:

https://veiliginternetten.nl/thema/basisbeveiliging/hoe-stel-ik-tweestapsverificatie-in-voor-whatsapp/

Pa evitá ku ta tuma over bo buzon di mensahe di bos, bo mester hinka un kódigo pa instalá bo buzon di mensahe di bos. Ta dependé kua provedor bo tin. Ta rekomendá pa tuma kontakto ku bo provedor si bo no sa kon pa hasi esaki.

BròKèS 93.5 ………… Skuch’é!