Un muhe britaniko a konstrui un bar den su kura pa su kasa paso hopi biaha e tabata su so na kas. Su kasa tabata den bar tur siman ku su amigunan i e tabata kansa di esei. E la disidi di konstrui un bar den su kura ya asina su kasa no mester sali kas. Nos no sa si e muhe a risibi yudansa pero e resultado ta realmente impaktante. Jayne Tapper a saka mas di 6 mil euro pa konstrui e bar aki. E la yama e bar aki 'The Doghouse Inn' i e la konstrui e kas ku hopi kuidou. Kada detaye e la pense, kada detaye ku bo por haña den kualke bar e la kopie. E nòmber di e bar ta hasi referente na 3 kachi di e pareha.
Tambe tin bar nan na benta òf ku bo por hür pero esaki ta hopi mas original. Den e bar tambe tin un televishon pone na muraya pa su kasa i su amigunan por wak nan deporte faborito. E muhe aki merese un aplouso, paso nos no konose hopi señora ku lo gasta 6 mil euro den un bar pa nan kasa. Un punto positivo ta e echo ku e no tin ku krusa kaya pa e yega kas, djis e tin ku krusa e mata nan den su kura di kas.
===========================================
BròKèS 93.5 ………… Skuch’é!
.png)
