Condé Nast Traveler's 2022 Readers' Choice Awards a klasifiká Boneiru komo number 18 den e Islanan Tòp di Karibe i Atlántiko. Miéntras ku ántes nan tabata agrupá e islanan ABC huntu, e aña akà nan a separá nan for di otro. Por mira e notisia riba wèpsait di Condé Nast Traveler i den e edishon imprimà di e revista ku e mesun nòmber.
E votashon a inisiá na kuminsamentu di luna di aprel i a terminá dia 30 di yüni 2022. Tourism Corporation Bonaire ke gradisà tur hende ku a vota pa Boneiru i a kompartà e informashon akà ku nan amigu- i famianan pa vota pa nos isla.
Condé Nast Traveler ta e revista di biahe mas prominente di Merka. E premionan anual akà ta e rekonosementu di durashon mas largu i mas prestigioso di ekselensia den e industria di biahe. E ganadónan di Readers’ Choice Awards, ku ta keda elegà a base di voto di lesadónan, ta representá e mihónan di e mihónan.
E potrèt athuntu ta di Kimberly Angela ku a partisipá den e ‘Bonaire Photo Contest’.
===========================================
BròKèS 93.5 ………… Skuch’é!