AWE DJAMARS 23 APREL ....... ANOCHI KU LUNA YEN NA SENTRO DI BARIO TERA CORRA, KU TEMA ‘BAN KITA SOMBRÉ PA LUNA YEN’

Awe djamars 23 di aprel 2024 di 7oor pa 9or tin e evento ‘Anochi Ku Luna Yen’ na Sentro di Bario Tera Corra. Tema di e anochi ta ‘Ban Kita Sombré Pa Luna Yen’, mientras ku para ketu tambe na e echo ku Anochi ku Luna Yen a kumpli binti aña e luna akí.

Anochi ku Luna Yen’ ta un evento ku entre otro deklamashon di poesia, kontamentu di kuenta den lus di luna. E ta un un evento sosial di pueblo i pa pueblo, pues un i tur ta kordialmente bonbiní.

Hende di Rincon òf Playa ku tin mester di transporte, por hasi uso di un bùs ku ta sali for di Rincon 6or pa buska hende. E bùs akí ta pasa mitar di shete na SKAL na Playa i sali despues rumbo pa Sentro di Bario Tera Corra.

Ta pidi tur esnan ku ke hasi uso di e servisio di bùs, pa reservá na tempu na SKAL òf yama +599 715 5323. Asina nos por sa kuantu hende mester di transporte.

Manera semper, ta keda liber na kada bishitante pa trese algu di boka dushi pa kompartí ku otro bishitante. Ta supliká tur hende bini ku nan propio stul. 

Pa mas informashon por tuma por tuma kontakto ku kolaboradónan:

Magali Sumter  +599 9 565 0947

Ubaldo Anthony +599 717 4935

Orlando Francisca  599 786 2131 òf +599 7962131

SKAL +599 715 5323