Kralendijk, 21 di òktober 2022: Entrante 24 di òktober Sr. Anthon
Casperson ta e direktor interino di WEB Bonaire. Sr. Casperson lo
reforsá temporalmente e team ehekutivo di WEB.
WEB ta deseá di informá públiko en general ku e konseho di supervishon di
WEB ta kontentu di informá ku Sr. Casperson a aseptá e enkargo pa aktua
komo CEO interino di WEB pa e próksimo 6 lunanan, miéntras ku e konseho
di supervishon ta sigui ku e proseso pa buska un CEO nobo pa WEB.
Sr. Casperson tin hopi aña di eksperensia komo CFO i CEO na Aqualectra i
e último añanan e tabata direktor general / presidente di hunta di komisario
di “Sint Elisabeth Foundation” na Kòrsou.
Pa motibu di e hopi desafionan ku WEB ta konfrontá , Sr. Casperson lo
brinda gerensia i e organisashon kompletu e refuerso nesesario pa por
realisá e metanan di WEB. Ku su konosementu amplio i eksperensia, Sr.
Casperson lo hasi un kontribushon balioso. Nos ta deseá Sr. Casperson hopi
éksito den su funshon nobo.
===========================================
BròKèS 93.5 ………… Skuch’é!
.png)
Comments