Dia 18 di mart 2024 Grupo di diálogo Bonaire a tene un charla
tokante herida komo herensia di sklabitut. Tabata un enkuentro bon bishitá
ku presensia di diputado Nina den Heyer i konsehal Delno Tromp.
Sikologo Shandery Rosalina a usa un skema ku sinku punto
pa e charla por tabata interaktivo. A formulá un situashon fiktisio di un yu nasé den tempu di sklabitut na Rincon komo ku Rincon tabata “E krio di katibu”.
E katibunan no por a kasa ni forma un famia.
Presentenan por a deliberá riba, kiko e yu, muhé òf hòmber,
por a pensa, ki por ta su sintimentunan,
ki solushon e por tin i ki por ta konsekuensia di su desishon.
Loke a bini dilanti ta ku e yu no sa ken ta su tata.
E relashon entre tata i yu den tempu di sklabitut
ya presente den nos komunidat aktual. Ki nos ta mira?
E yu no konosé su tata i despues di tempu ku e sa ta ken ta su tata
e no konosé su tata i su tata no sa ken e ta.
E situashon aki ta un herida den kua rabia i amor ta diferensiá di otro.
Sedney Marten su tomo di poesia:
Entre Sintí i sentimentu un lucha ta pa nos diskubrí ken nos ta.
Un tendensia peligroso ta ku ta trata na formulá un identidat
i sa a base di DNA den kuantu parti nos ta dividí.
E úniko solushon pa yega na sanashon di nos herida komo desendientenan di katibu
ta pa hasi komparashon ku un siboyo. Kada kaska ta representá rabia, odio,
vengansa, bèrgwensa i na final amor.
Esaki ta desaroyo ku ta hiba nos na un situashon ku yama emansipashon
ku ta libertat a base di igualdat den un komunidat hustu.
Nos ta obligá di diskutí ki diskulpa i pordon di Hulanda ta nifiká
i kon nos ta duna kontenido na nan.
BròKèS 93.5 ………… Skuch’é!
.png)
Comments