WEB NV i Contour Global Bonaire(CGB) ta informá lo siguiente; Djárason 7 di yüni a surgi un kandela na e fasilidat pa generá energia na Karpata. Personal di CGB i bombero a atendé mesora ku e kandela. No tabata tin víktima i te na e momentunan aki no a konstatá ningun daño na e otro unidatnan pa generá energia.
Pa protehá e planta, mester a deskonektá suministro di koriente temporalmente pa algun area.
Despues di un evaluashon, a isolá e ekiponan afektá i a re-inisiá balanse di e planta di un manera seif i liber di evento kaminda a restourá koriente pa nos isla, esaki ku bon kordinashon, entre WEB i CGB.
CGB ta buskando alternativanan pa minimalisá e impakto riba e suministro di koriente pa e isla. Adishonalmente, CGB lo ahustá e meks di energia pa garantisá stabilidat riba e ret. Sinembargo, e suministro di energia ta keda krítiko.
WEB NV i Contour Global Bonaire ta gradisí empleadonan i kontratistanan pa nan asistensia durante e emergensia ariba menshoná.
************************************
BròKèS 93.5 ………… Skuch’é!
.png)
