Nos ta pará mas o ménos 3 aña despues di e rapòrt di Ombudsman na 2020. Boneiru por a mira bunita resultadonan referente na kuido pa grandinan. ZW- Groep tambe ta uni forsa pa siguí desaroyá e kuido pa nos grandinan.
Na e momentunan aki ZW- Groep ta ofresiendo sostén sosial (‘maatschappelijk ondersteuning’) na nos grandinan. Entre otro sostén i guia ku aktividatnan di bida diario, adaptashon na kas, servisio di kuminda, transporte, akohida i ‘respijtzorg’.
Kuido pa grandinan na Boneiru ta kresiendo, esaki ta laga e nesesidatnan ku tin resaltá. Tin un grupo di granadinan ku no por siguí biba independiente mas. E servisionan aktual (‘maatschappelijk ondersteuning’) no ta supli e kuido nesesario, pa nan por siguí biba independiente.
Petishonnan pa ‘respijtzorg’ ta haltu, pasó kuidadónan no por mas. Di e 8 kamanan pa ‘respijtzorg’ nos a krese te na 12 kama. Ahinda e no ta sufisiente pa e nesesidat ku tin. Nos ta konvensí ku un forma di biba ku kuido disponibel pa nos grandinanan, lo minimalisá e petishonnan pa ‘respijtzorg’.
Lokashonnan pa akohida pa grandinan ta yen i esaki ta relashoná ku e mesun motibunan. Nos grandinan ku ya no por siguí biba independiente mas. Nos ta trata pa por kumpli ku tur e petishonnan. Tin di nos grandinan ku no ta bishitá akohida henter siman, esaki ta duna e oportunidat pa otronan por bishitá akohida riba e dianan ei.
ZW- Groep ta konsiente di e nesesidatnan di kuido pa nos grandinan i ta trahando duru huntu ku gobièrnu lokal i hulandes pa un solushon struktural. Aktualmente nos ta trahando riba e plannan pa krea un forma di biba ku kuido pa nos grandinan. Nos ta mirando den direkshon di un ‘verzorgingshuis’ poninedo atenshon na e nesesidat aktual di mas grandi.
Nos grandinan ta un grupo grandi di nos komunidat i e grupo ta kresiendo mas. Esaki ta nifiká ku e kuido pa grandinan tambe mester krese. Banda di gobièrnu lokal i hulandes, ZW- Groep ta para kla pa sigui desaroyá e kuido pa nos grandinan aki na Boneiru.
BròKèS 93.5 ………… Skuch’é!
.png)
Kommentare