top of page
ggzsjjg.png

Yerba di laman invasivo ta hala kimakima indígeno den Karibe un banda


Investigadónan di Wageningen Unisversity & Research i Universidat di Amsterdam a deskubrí un mata invasivo ku ta kompetí ku un kimakima indígeno. E espesie di yerba di laman Halophila stipulacea ta hopi eksitoso den kolonisashon di áreanan nobo den Laman Mediteráneo i den Karibe.


E yerba di laman por plama pa motibu ku hopi fragmento chikitu ta kibra kita ‘fo, keda na bida hopi tempu largu i alkansá áreanan nobo pa medio di drif bai ku koriente di laman. Den e artíkulo nobo ‘ Battle for the mounds: Niche competition between upside-down jellyfish and invasive seagrass’ den e revista sientífiko Ecology, e investigadónan ta deskribí kon nan a deskubrí ku e yerba di laman invasivo ta usa seritu chikitu – ku bestia ku ta koba manera kabaron òf lol’i awa ta traha – komo punto di salida pa krese den áreanan nobo. E seritunan akí ta ofresé espasio i klaridat, un ambiente ideal pa e yerba di laman. For di einan e mata invasivo por plama atraves di e kama di yerba di laman.


Sitionan haltu ku klaridat ta hopi gustá

Pero e investigadónan a deskubrí ku esaki por okashoná problemá tambe pa espesienan indígeno. “E kimakima ‘ariba abou’ (Cassiopea spp) ta drumi riba su lomba, pasobra tin alga fotosintétiko den su tenglanan. P’esei e kimakimanan akí tin mester di klaridat tambe, i nan gusta permanesé na sitionan habrí, manera e seritunan sin nada riba nan”, segun Fee Smulders, ku ta serka di optené su título komo dòktor na Wageningen University & Research i kende ta e outor prinsipal di e investigashon akí. “Durante algun tempu e studiante pa Master of Science Naomi Slikboer a sigui e seritunan akí, i el a nota presensia di tantu e kimakimanan komo e yerba di laman invasivo na Kòrsou. El a deskubrí ku na kuminsamentu tabatin hopi kimakima riba e seritunan, pero ku na final mayoria di e seritunan tabatin yerba di laman invasivo ta krese riba nan.”


Kimakima ta muda mas biaha

Pa motibu di binida di e yerba di laman, e kimakimanan mester muda mas biaha i posibelmente nan ta pèrdè nan habitat. Mas aleu e investigadónan ta verwagt ku e interakshon entre e yerba di laman invasivo i e seritunan lo sòru pa un kama di yerba di laman dinámiko i instabil, loke ta desbentahoso pa e yerba di laman indígeno balioso. Smulders: “Ta importante pa vigilá e espesie eksótiko akí bon i investigá su influensia riba tantu e espesienan indígeno komo riba henter e paisahe bou di laman.”

===========================================

BròKèS 93.5 ………… Skuch’é!

6 views

留言


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page