top of page
ggzsjjg.png

Willem Cecilia Ku Historial Laso Direkto Ku Hulanda


Dia 21 di òktober 1994 e isla di Boneiru a tene un referèndem pa loke ta trata e struktura estatal i un mayoria grandi esta 89.65% a skoge pa e status quo. Ku otro palabra mantené e Antia di sinku. E gobièrnu di Antia Hulandes a kuminsá hasi intento pa restrukturá Antia Hulandes i purba di trese e islanan mas serka di otro. Esaki no a duna e resultado deseá i den aña 2000 St. Maarten a tene su referendèm pa eskoho di un pais dentro di Reino. Esaki a okashoná un seri di referèndem riba e otro islanan di e antes Antia Hulandes.


E isla di Boneiru dia 10 di sèptèmber 2004, hasiendo uzo di su derecho di outodeterminashon, a tene esun di dje ku a duna e resultado di un kantidat di 59.45% di e elektorado a vota pa un laso direkto ku Hulanda. Den kuadro di esaki si tira un bista riba Union Patriótiko Boneriano (UPB) di e tempu ei, por tuma nota ku e partido na 2003 a gana elekshon di konseho insular ku no ménos ku 6 asiento den konseho insular di Boneiru. Na 2006 UPB a gana e elekshon di Staten i na 2007 a saka atrobe un mayoria apsoluto den konseho insular di Boneiru ku 5 asiento.


E forsa polítiko generá a duna e liderato di UPB e forsa pa por negoshá ku Hulanda pa duna e kontenido deseá na e laso direkto ku Hulanda. Dia 22 di òktober 2005 a sera un ‘akuerdo riba liñanan grandi’ (Hoofdlijnenakkoord) entre Hulanda, Antia Hulandes, St. Maarten, St. Eustatius i Saba, kaminda a disidí ku lo bai traha riba un struktura estatal nobo.

Durante e reunion di mesa rondó dia 26 di novèmber 2005 a establesé ku e perspektiva final pa e islanan Kòrsou i St. Maarten lo ta un status di pais den Reino Hulandes i pa Boneiru esaki lo ta un status nobo kaminda lo tin un laso direkto ku Hulanda. Dia 11 di oktober 2006 e delegashonan di Hulanda i e islanan Boneiru, Saba i St. Eustatius a yega un akuerdo pa loke ta trata e status pa e tres islanan. A palabrá ku e islanan lo bira un entidat públiko konforme artíkulo 134 di e Konstitushon Hulandes.


Hulanda i e tres islanan a hasi palabrashon pa loke ta trata e servisionan públiko (openbare voorzieningen) den e situashon nobo den kuadro di e responsabilidat di Hulanda. E palabrashonnan aki a keda kompilá den e lista di desishon di e konsulta polítiko ku a keda tené dia 31 di yanüari 2008. Hopi importante e punto di salida palabrá ta ku lo sali for di normanan ku ta aseptabel dentro di Hulanda pa loke ta trata enseñansa, salubridat públiko, asusntunan soshal i seguridat. Naturalmente den kolaborashon fuerte ku e gobièrnunan di e isla.


Den 2009 sinembargo a surgi un rebelion den partido UPB komo konsekuensia ku UPB mester a bai den bankinan di oposishon. Ta na e punto aki e proseso di transishon a keda interumpí i e gobièrnu ku a sinta a firma sierto akuerdonan ku Hulanda ku te dia di awe tin un efekto devastador pa Boneiru. E derechonan ku tantu Boneiru a bringa pe, práktikamente a bai pèrdí. E forsa konsolidá polítiko no tabata eksiste mas loke a duna Hulanda kaminda pa e hasi i deshasí.

Boneiru sigur sigur a bai dilanti despues di 10.10.10 pero e parti lokal a kai den un desbalansa fòrmal. UPB na varios okashon tabata den gobièrnu pero no tabata tin e forsa polítiko mas pa negoshá. Pa negoshá ku Hulanda bo mester tin e forsa polítiko i kapasidat pa negoshá. Ningun di e otro partidonan no a mustra e kapasidat pa por a trese henter e aspektonan den un balansa akseptabel. Na 2015 hasta pueblo tabata masha mal kontentu kon tabata duna kontenido na e laso direkto ku Hulanda.


Tumanda nota di e historial di UPB mi a tuma e desishon di pone mes eligibel riba e lista bèrdè pa asina un biaha mas krea e forsa polítiko i kapasidat pa negoshá ku Hulanda pa krea Ún Boneiru, Fuerte, i den Balansa’. No ta mi persona so, pero otronan manera Jona Chirino Felida i Benito Dirkz i otronan mas hóben, a drenta den e filanan di UPB tumando nota di e historial di UPB. Awor ta keda na e pueblo Boneriano pa duna e mandato bon kla pa UPB bai rekobrá e derechonan di e pueblo ku a kai chikí òf a keda tirá afo por kompletu.


dr. Willem A. Cecilia

===========================================

BròKèS 93.5 ………… Skuch’é!

8 views

תגובות


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page