Wikènt di waterpolo na pisina flotante

E waf flotante na altura di Parke Tului for di djabièrnè te ku djadumingu ta un poko mas drùk ku kustumber, relashoná ku un wikènt di waterpolo.

Indebon ta pidi tantu e usuarionan di e waf i e hungadónan di waterpolo pa tene kuenta ku otro. Ta trata di djabièrnè 8 di sèptèmber for di 15:00 or te 18:00 or, djasabra 9 di sèptèmber for di 15:00 or te 18:00 or i djadumingu 10 di sèptèmber for di 09:00 or te 12:00 or.

Efekto positivo Dos biaha pa aña Aquatics Federation Bonaire tin un interkambio ku e hungadónan di waterpolo di Orca’s Curacao. Banda di hunga vários wega, durante e wikènt tin hopi oportunidat pa kompartí konosementu serka e coachnan/treinernan i konekshon sosial entre hóbennan di Boneiru i Kòrsou. Ta verwagt ku visibilidat di e torneo hubenil akí lo por tin un efekto positivo riba hóbennan boneriano.

BròKèS 93.5 ………… Skuch’é!