top of page
ggzsjjg.png

Welga SELIBON; AFBW ta Karga su Responsabilidat Pa No Perhudiká Komunidat.



Awe, despues di tres dia di akshon bayendo di kuater dia, kaminda trahadónan a uni i sakrifiká, AFBW den konsulta ku shopsteward nan a karga su responsabilidat i a ehekutá un plan pa asina no perhudiká e komunidat ku ta sostené e lucha di e trahadónan totalmente.

Riba petishon di gezaghèber a perkurá pa a rekohé e zeta na Contour Global i evitá ku Boneiru lo por a keda sin koriente.

Tambe nos a manda rekohé e sushi Biomédiko na Fundashon Mariadal i Bon Lab i asina tene kuenta ku salubridat públiko.


E úniko reakshon i akshon di parti di doño di trabou (Selibon) ta hiba AFBW korte keriendo ku esaki lo trese solushon pa e problema. Te ku awe na ningun momento Hunta di komisario tabatin e desensia pa invitá sindikato pa sinta na mesa.


Djaluna AFBW a yama un reunion na kas sindikal ku tur tres diputado pa tende e doló nan di e trahadonan. Awe atrobe despues di e ultimatum, riba petishon di AFBW nos por a sinta na mesa ku Bonaire Holding Maatschappij.


Ta inkreibel kon nos outoridatnan responsabel pa Selibon no por tuma un medida simpel di pone gerente riba non- actief pa asina trese pas laboral i reanudá i normalisá operashon na Selibon pa asina e komunidat por a haña su servisio di rekohé sushi.


Un otro punto remarkabel den henter e asuntu aki ta ku e hunta di komisario tin dos miembro ku no ta ni biba na Boneiru, pues ku no ta sinti e doló ku e trahadónan aki ta sinti pa 18 aña largu kaba.


Un kos ta sigur, si hues manda e trahadónan bai traha, e mester realisá ku loke pasa despues lo keda riba su konsenshi i riba konsenshi di kada miembro di hunta di komisario. Kon por ta posibel no ta tuma medida kontra dos persona ku ta bisto a hiba mal maneho i ku diputadonan i otronan a bisa ku mester bin un investigashon (nulmeting). Dos (2) persona tin henter un komunidat di binti kuater mil (24.000) hende, komersio kompleto i institutonan manera hospital i laboratorio sekuestrá i ta laga sinkuenta i sinku (55) trahadó ku hopi doló na kaya.


AFBW kier yama henter komunidat danki pa tur e sosten ku nan a duna e dianan aki na e trahadónan i nos por duna e garantia ku na momento ku e dos (2) miembro nan di gerente ta riba non- actief, ku mesora trahadónan lo re- anudá trabou i duna lo máksimo pa rekuperá e retraso den rekohementu di sushi.


Atentamente,

Direktiva AFBW



==========================================

BròKèS 93.5 ………… Skuch’é!

23 views

댓글


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page