Wega di azar manera poker, rulèt, black jack i otro wega di plaka ta parse atraktivo, pero nan por enserá riesgo grandi tambe. Tin ora tin hende ku no por kontrolá nan mes mas i nan ta pèrdè mas tantu sèn ku tabata e intenshon. Esaki por kondusí na hopi strès i tristesa.
Pa e motibu akí wega di azar ta pèrmití solamente den establesimentu ku pèrmit, manera kasino. Den kasino nan ta tene supervishon riba e hungadónan i riba eventual komportashon problemátiko. No ta pèrmití wega di azar ku nan ta organisá na kas òf na otro sitio. Esakinan no ta ambientenan seif; no tin supervishon i no por protehá hende kontra nan mes òf kontra otro hende.
Si bo ta bai un kasino, e ora ei determiná adelantá kuantu sèn bo ke gasta i tene bo mes na esaki. No bai ku creditcard i no fia sèn serka otro hende. Un adikshon na wega di plaka semper ta kuminsa inosentemente i despues por sali for di man.
BròKèS 93.5 ………… Skuch’é!
.png)
Comments