top of page
ggzsjjg.png

Wèpsait di Boneiru ta gana ‘Gold’ i ‘Best of the Bay’ ADDY Award den kategoria di wèpsait/online

Tourism Corporation Bonaire (TCB) ta kontentu di por partisipá ku e wèpsait di Boneiru, www.bonaireisland.com, a gana un ‘Gold’ i ‘Best of the Bay’ ADDY Award den kategoria di wèpsait/online. Un ‘Gold ADDY’ ta un rekonosementu di e nivel di mas haltu di ekselensia kreativo i ta keda husgá komo superior na tur otro partisipante den e kategoria.


Na luna di sèptèmber 2022 ofisialmente TCB a lansa su wèpsait nobo di Boneiru. E wèpsait nobo akí ta mas fásil pa usa i e ta mustra nos isla ku vários bunita imágen. Aktualmente TCB ta trahando pa añadí un vershon na spañó i unu na aleman ku lo aparesé den e lunanan binidero riba e wèpsait.



Partnernan ku no ta riba e wèpsait ainda por manda un email na marketing@bonaireisland.com.


Tokante e ADDY Awards:

American Advertising Awards, e kas di ADDY® award, ta e kompetensia di mas grandi i mas representativo den industria di propaganda, ku mas di 40.000 partisipante pa aña den e departamentonan lokal di e kompetensianan di American Advertising Federation (AAF). Mishon di American Advertising Awards ta pa rekonosé i rekompensá e espíritu kreativo di ekselensia den arte di propaganda.


Anualmente American Advertising Federation (AAF) ta tene e kompetensia lokal di American Advertising Awards i esaki ta e promé di un kompetensia nashonal ku tres nivel. Na mes momentu partisipantenan lokal ta kompetí den henter e pais pa un ADDY Award, un rekonosementu komo esun mas mihó den nan merkado.


Awor ku e ADDY-nan lokal ta tras di lomba, e ganadónan lokal di ADDY lo kompetí kontra e ganadónan di otro klupnan lokal den un di e 15 kompetensianan di distrito. Seguidamente ta manda e ganadónan di e ADDY di distrito na e di tres nivel, e podio nashonal di American Advertising Awards. Partisipashon na un kompetensia lokal ta e promé paso na kaminda pa gana un ADDY nashonal.


Selekshon di e obra mas kreativo ta keda influensiá pa medio di un proseso di evaluashon, kaminda un hurado ta evaluá tur dimenshon kreativo di kada obra.


Partisipashon na e American Advertising Awards ta sostené henter e industria di propaganda, pa motibu ku American Advertising Federation (AAF) i su filialnan lokal i regional ta usa e entradanan pa mehorá propaganda via programanan manera servisio públiko, stazje, gruponan di interes, edukashon publisitario i konsiensia di konsumidó.

===========================================

BròKèS 93.5 ………… Skuch’é!

2 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page