Despues di a dialogá ku otro i tambe buska konseho hurídiko direktiva di USIBO i
direktiva di Piskabon a yega na un akuerdo di koperashon ya ku riba tereno sosial i
áreanan di interes komun, USIBO i PISKABON ta rekonosé hopi aspekto di interes
komun komo nos ta forma parti di Reino Ulandes i ta enfrentá diferente retonan pa
ku desaroyonan mundial regional i lokal.
Ku e dos organisashonnan ke ta solidario i ku laso di hermandat i ku riba tereno makro sosial i ekonómiko no ta eksistí frontera di separashon.
Mirando ku USIBO tin komo un di su metanan e seguridat di eksistensia di e
boneriano i ta realisá ku produkshon di nos propio kuminda ta un di e fuentenan mas
básiko pa garantisá e seguridat di eksistensia aki. Ademas USIBO ta rekonosé sin
mas ku un di e pilarnan ekonómiko di Boneiru atraves di su historia tabata basá riba
agropeskero, esta plantashon, krio di bestia i peskeria. USIBO i PISKABON ta di
opinion ku un aspekto di un desaroyo duradero ta indudablemente rebibá
maksimalmente produkshon di nos propio kuminda ku alabes lo por tin un efekto
positivo riba manehá nos kosto di bida.
I den e kuadro amplio aki e dos organisashonan ta kompartí konosementu,
eksperensha pa logra un éksito di e industria peskero na bienestar di e piskadó i su
famia en partikular i na bienestar di komunidat boneriano en general,
Pa tal rason djaluna 22 di Yüli 2024 USIBO representá pa Angelo Vrolijk, vise presidente na nòmber di presidente Mavis Abrahams i Ernst Delannoy, presidente di Piskabo a firma un protokòl di koperashon ofishalmente ku e propósito ku lo instituí un grupo di trabou miksto konsistiendo di USIBO i PISKABON ku e meta pa dentro di tres luna i pa mas tarda 31 di òktober 2024 reportá na e direktiva di USIBO i PISKABON konkretamente riba kua arianan e dos organisashon nan por duna otro asistensia.
Firmando e protokòl aki USIBO i PISKABON ta ekspresá nan deseo pa establesé un
relashon organisatorio duradero i lo hasi tur esfuerso pa logra esaki.
.png)
Comments