UPB Ta Gradisí James Kroon P'e Diesdos Añanan Komo Lider Polítiko

Direktiva di UPB ta gradisí James Kroon p'e diesdos añanan ku el a liderá e partido.

James Kroon ta termina su periodo komo lider polítiko di UPB. Despues di un Periodo di mas o ménos 12 aña, James Kroon ta terminá su periodo komo lider polítiko di UPB.

Den un reunion ameno ku entre otro direktiva di UPB awe mèrdia, aktual diputado James Kroon a entrega su karta di retiro komo Lider

Polítiko di UPB.

James Kroon a sigui Ramonsito Booi komo Lider Polítiko i Elvis Tjin Asjoe komo Lider Polítiko interino di UPB.

Ramonsito Booi a keda pa un periodo di 14 aña komo Lider Polítiko di UPB.

Prome ku Ramonsito Booi, Rudy (Ruman) Ellis a

liderá UPB di mas o menos 27 aña konsekutivo.

UPB ta gradisí James Kroon inmensamente pa e tempu ku James a liderá partido.

No tabata e periodo di mas fásil di UPB. Sinembargo James a mantené UPB fuerte,

aktivo i di importansia pa guia polítiko di Boneiru.

Un di e hopi logronan di James Kroon durante di e periodo aki tabata ku UPB a resultá di ta e partido ku por a mantené algu di stabilidat polítiko na Boneiru.

Banda di esaki komo Lider Polítiko James a sòru pa e organisashon ta sano i ku su asuntunan atministrativo ta na òrdu.

UPB ta e úniko organisashon polítiko ku tin un sede fiho i aktivo durante henter aña. Tur esaki danki na James Kroon.

Maritsa Silberie Lider Polítiko Interino UPB

For di awe i te ku otro aviso UPB a pidi sra. Maritsa Silberie pa asumí liderazgo

polítiko interino di UPB. Maritsa a akseptá i pues desde awor ta lider politíko

interino di UPB. Huntu ku un i tur envolví i tambe James Kroon, UPB lo kuminsá formashon di un Lider Polítiko nobo.

Kordialmente,

Ludwig (Luti) Balentin

Presidente di Direktiva di UPB

===========================================

BròKèS 93.5 ………… Skuch’é!