Studiantenan di Universidat di Utah tin oportunidat di alivia nan strès durante siman di èksamen final, na momentu ku nan sera nan mes den un kashi na skol durante un periodo kòrtiku. Un kashi chikitu mei mei di biblioteka Marriott, ku beer di bestia aden. « Un luga sigur pa studiantenan ku strès», un nota ku ta pega na porta ta bisa. “E espasio aki ta pa ofresé un luga pa e studiantenan ku ta siñando pa èksamen final por tuma un deskanso di 10 minüt”.
Jana Cunningham, na kargo di komunikashon di e skol, a bisa ku 'Cry Closet' (Kashi pa yora) ta prinsipalmente pa studiantenan ku ta sinti nan mes yen di strès debí na èksamen final. "E ta un bon luga pa bin i desahoga, i esei ta su ophetivo", e la bisa. Un persona riba Twitter a kalifika e universidat komo "Patetiko" paso nan a instala e kashi aki den e biblioteka. "Bunita namera pa prepara e studiantenan pa mundu real. Mi ta puntra mi mes kuantu empleado tin kashi pa yora". Skol a bisa ku nan lo kita e Cry Closet e siguiente siman manera èksamen final kaba.
===========================================
BròKèS 93.5 ………… Skuch’é!
.png)
Komentarze