top of page
ggzsjjg.png

United Airlines ta añadí dos buelo semanal èkstra pa Boneiru for di New York/Newark

E pedida fuerte pa biahe pa nos isla ta sòru pa un oumento di buelo den temporada di wenter

United Airlines, den kolaborashon ku Tourism Corporation Bonaire, gobièrnu di Boneiru, BONHATA i Bonaire Flamingo International Airport (BON), awe a anunsiá e añadishon di dos buelo semanal èkstra for di New York/Newark (EWR) pa Boneiru (BON) en espera di un temporada di biahe drùk den próksimo wenter i primavera. Aktualmente United ta ofresé un biaha pa siman buelo pa Boneiru for di Houston (IAH) i un biaha pa siman for di New York/Newark (EWR), i lo amplia su servisio for di New York/Newark te na tres biaha pa siman pa kumpli ku e pedida persistente di biaheronan merikano ku ke bishitá nos isla hulandes karibense.


For di 10 di yanüari 2024, i esakinan ya kaba ta disponibel pa buk awor akí, United Airlines ta añadí buelo ida i buèlta riba djadumingu i djárason entre New York/Newark i Boneiru, banda di e buelo ida i buèlta riba djasabra. Ku e servisio èkstra akí, awor akí United ta ofresé en total 61 buelo ida i buèlta planiá entre Merka i Boneiru for di 10 di yanüari 2024 te ku 24 di aprel 2024.


“Nos ta kontentu di por traha huntu ku United Airlines pa e wenter binidero trese dos buelo semanal nobo pa nos isla,” segun Miles Mercera, direktor di Tourism Corporation Bonaire. “Esaki ta un prueba di nos reputashon ku ta kresiendo serka biaheronan merikano i nos ta anhelá pa yama bon biní na nos bishitantenan na nos bunita isla Boneiru ku tur loke e tin di ofresé, i esaki ta konta pa tantu esunnan ku a yega di bini kaba, komo esunnan ku ta bishitá nos isla pa promé biaha.”


“United ta orguyoso di por laga su presensia karibense krese mas tantu ainda komo parti di nos ekspanshon internashonal mas amplio i lider den e industria,” segun Matt Stevens, vise presidente Planifikashon Internashonal na United. “E buelonan èkstra akí ta brinda nos klientenan mas opshon ainda pa biaha pa Boneiru i nan ta yuda posishoná United komo e kompania di aviashon di preferensia pa klientenan ku ta planiando nan biahe di vakansi.”


“Mas buelo ta nifiká mas bishitante pa kompartí nos kultura úniko, nos medio ambiente espektakular, nos klima kalor i nos esena kulinario fantástiko kuné,” segun Jolinda Craane, diputado di turismo di Boneiru. “Nos ta spera ku e buelonan èkstra akí lo yuda nos trese nos isla diverso i ku kompromiso ku sostenibilidat bou di atenshon i tambe sigui edifiká nos relashon importante ku Nortamérika.”

BròKèS 93.5 ………… Skuch’é!

8 views

Comments


BROKES 93.5 - Mas i Mas ta skuch'e

Kontakto

Buskando mas informashon?
Tuma kontakto ku nos awe mes.

STUDIO; +599 701 0935

Djòni Leoneta; +599 786 9091

Ethel Leoneta; +599 796 9133

Djaluna pa djabièrnè

8or di mainta pa 6or di atardi

  • Instagram
  • YouTube
  • Facebook

Danki pa komunuika ku nos!

Nos Klientenan Felis

"Add a testimonial that a happy customer or client has said about working with you."

Amanda Johns, COO, HORIZON

Diamonds Music Logo.jpg
mcb.png
Untitled_edited.jpg
Logo - My Eye Optical.jpg
Bashi.png
bottom of page