Union Patrótiko Boneriano

Tumando na kuenta e hopi deklarashonnan ku a keda tresé dilanti último dianan, UPB ta tuma e siguiente posishon pa loke ta trata formashon di un gobièrnu pa Boneiru:

1. Ningun Partido NO a haña mayoria apsoluto pues e gritu di kambio NO ta fundá i ta trese bruashon den nos komunidat;

2. Un mayoria pa kambio ta basá riba 5 asiento den eilandsraad. Esaki no a keda lográ pa ningun partido;

3. E repartishon aktual ta: - 3 asiento DP - 3 asiento UPB - 2 asiento MPB - 1 asiento M21

4. Partido Demokrat ta pidi rekonteo di voto loke ta su pleno derecho, e rekonteo aki lo tuma su tempu.

E ponensia aki ta trese kuné ku no tin sentido pa sinta ku partido Demokrat na e momentonan aki, pasobra nan tin otro repartishon di asiento den mente.

Pa tur e motibunan menshoná aki UPB ta tuma e siguiente punto di salida;

1. Di aplasá reunion ku Partido Demokrat te ora ku nan ta satisfecho ku e resultado di elekshon

2. Pa no pèrdè tempu habri kombersashon nan ku Partido MPB i M21 pa eksplorá posibilidatnan di un gobièrnu pa Bonaire.

Partido UPB ta spera ku pueblo tin komprenshon pa esaki, pasobra nos isla no ta benefisiá ku hopi tempu ta bai den rekonteo i formashon di un gobièrnu nobo.

===========================================

BròKèS 93.5 ………… Skuch’é!