E ESTAFA MAS LOKO DI HENTER GALAXIA
Nan a gaña un muhe japones pa paga 30.000 doler pa yuda un asotraunta ruso ku e la konose riba internet bin bèk tera ku Estashon Espasial Internashonal. Al pareser, e muhe di 65 aña a namora di e astronauta despues ku nan a konose otro riba red sosial juni di e aña aki. Nan a kuminsa manda mensahe di teksto atraves di un aplikashon i den poko tempu e hòmber a deklare su amor i a priminti'é ku e lo muda bai Japon i kasa kune.
Solamente tabata tin un problema, e tabata den Estashon Espacial Internashonal (ISS) i no tabata alkanse sen pa bin mundu bèk. Ta difisil djis kuminsa kompronde kon ku hende por paga miles di doler na un estafador tan evidente, pero ya asina amor ta. Den su defensa e muhe a bisa ku e astronauta rusa a bise ku e mester di e sèn pa paga un raket i gastu nan di aterisahe. E señora a konfia den dje na komienso, i tambe paso e tabata parse hopi familiarisa ku e tema nan spasial i e tabata tin algun potrèt di ISS riba su instagram. E muhe a manda 30.000 doler p'é online, pero e la termina alertando polis tokante e hòmber ya ku despues e la sigui pidi mas sèn. Nan a keda hopi sorprendí skuchando su historia, pero e muhe obviamente a kere tur e mentira nan ku e la konte.
Ahinda nan no a komunika si e famoso astronauta aki a ser detene, bo ta kere nan lo ta wardando e yega tera?
===========================================
BròKèS 93.5 ………… Skuch’é!
.png)
댓글