UN IMÁGEN VARIÁ TOKANTE KAMBIO DI KLIMA, KOMBATIMENTU DI POBRESA I MAS

UN IMÁGEN VARIÁ TOKANTE KAMBIO DI KLIMA, KOMBATIMENTU DI POBRESA I MOBILIDAT DEN E EDISHON NOBO DI BON BINI BONAIRE MAGAZINE

Den e edishon nobo di Bon Biní Bonaire nan ta dediká atenshon na entre otro e rapòrt di Komishon Thodé tokante implementashon di e mínimo sosial i e senarionan di klima di KNMI tokante e konsekuensianan di kambio di klima pa Boneiru.

Kontenido di e revista ta duna un imágen variá di desaroyonan na nos isla. Manera tumamentu den funshon di e parke solar, kompra di Plantashi Fòntein, stimulashon di agrikultura i krio di bestia, intensifikashon di konstrukshon di bibienda pagabel, investigashon pa loke ta trata mehorashon di mobilidat i alkansabilidat, korementu di mountainbike ku ta birando mas i mas popular i éksito di e periodo di servisio sosial.

Bon Biní Bonaire, un edishon di Gabinete di Gezaghèber, ta intenshoná pa tur hende (prinsipalmente pafó di nos isla) ku ta interesá den Boneiru i su habitantenan.

BròKèS 93.5 ………… Skuch’é!